Magnús Karl Magnússon

Prófessor

Sérsvið / rannsóknasvið

Magnúsi stýrir ásamt Þórarni Guðjónssyni dósent í líffærafræði Rannsóknastofu í stofnfrumufræðum sem er hluti af lífvísindasetri Læknagarðs. Rannsóknir Magnúsar beinast að m.a. hlutverki svokalaðra týrósín kínasa gena í stofnfrumum, bæði stofnfrumum í eðlilegum vef stofnfrumum í krabbameinum. Einnig beinast rannsóknirnar að æxlisgenum í hvítblæðum, sérstaklega s.k. týrósín kínasa æxlisgenum. Áhugi mann á þessari fjölskyldu æxlisgena hefur mikið aukist eftir að sýnt hefur verið fram á lyf er geta hindrað þessi æxlisgen hafa veruleg æxlisbælandi áhrif. Rannsóknirnar eru studdar af styrkjum frá Vísinda og tækniráði, Vísindasjóði LSH og Vísindasjóði Norrænu Ráðherranefndarinnar.

Námsferill

Magnús lauk kandídatsprófi frá Læknadeild Háskóla Íslands og eins árs rannóknarnámi árið 1991. Hann stundaði síðar nám í almennum lyflækningum og rannsóknarstörf við University of Wisconsins Hospital and Clinics í Bandaríkjunum á árunum 1994-1998 og siðar nam hann blóðmeinafræði við Bandarísku Heilbrigðisstofnunina (National Institutes of Health) á árunum 1998-2000 og var áfram við vísindavinnu og klínísk störf við sömu stofnun á árunum 2000-2002.

Starfsferill

Magnús Karl Magnússon var ráðinn í starf prófessors við Læknadeild og forstöðumanns Rannsóknastofnunar í lyfja- og eiturefnafræði 1. apríl 2009. Hann var áður sérfræðingur í blóðmeinafræði við rannsóknarsvið LSH frá árinu 2002 þar sem hann hefur borið ábyrgð á þróun sameindalæknisfræðilegum greiningum í hvítblæði og skyldum sjúkdómum. Auk þess hefur hann gegnt ýmsum nefndarstörfum, m.a. verið fagráði Vísinda- og tækniráðs á sviði heilbrigðis og lífvísinda og verið formaður þess frá árinu 2005-2008, verið í Vísindaráði LSH og einnig verið stjórnarnefndarfulltrúi Íslands við 7. Rannsóknaráætlun Evrópusambandsins. Magnús var stundakennari við Háskóla Íslands bæði við læknadeild og raunvísindadeild við Háskóla Íslands frá árinu 2003-2009.